Saturday, June 15, 2024
spot_img
Homeशेअर बाजारTop-10 Firms Market Cap :शीर्ष 10 कंपन्यांच्या मार्केट कॅपमध्ये भरगोस वाढ 

Top-10 Firms Market Cap :शीर्ष 10 कंपन्यांच्या मार्केट कॅपमध्ये भरगोस वाढ 

मुंबई,(Bazaarbull) 6 नोव्हेंबर 2023 – शेअर बाजारात सलग दोन आठवडे घसरण पाहिल्यानंतर मागील आठवडा गुंतवणूकदारांसाठी चांगला ठरला. बीएसई (BSE) सेन्सेक्सच्या शीर्ष 10 कंपन्यांपैकी 9 कंपन्यांच्या मार्केट कॅपमध्ये वाढ झाली. या काळात रिलायन्स इंडस्ट्रीजच्या गुंतवणूकदारांना सर्वाधिक फायदा झाला.

गेल्या आठवड्यात बीएसई (BSE) सेन्सेक्स 580.98 अंक किंवा 0.91 टक्क्यांनी वधारला, ज्यामुळे 9 कंपन्यांच्या बाजार भांडवलात 97,463.46 कोटी रुपयांची भर झाली. या कालावधीत सेन्सेक्सच्या 4 कंपन्यांचे बाजार भांडवल 10 वरुन 30 हजार कोटी रुपयांपर्यंत वाढले, तर बजाज फायनान्स ही एकमेव कंपनी होती, जिच्या गुंतवणूकदारांना तोटा सहन करावा लागला.

रिलायन्स इंडस्ट्रीजला सर्वाधिक फायदा

गेल्या आठवड्यात रिलायन्स इंडस्ट्रीज लिमिटेडचे मार्केट कॅप 36,399.36 कोटी रुपयांनी वाढून 15,68,995.24 कोटी रुपयांवर पोहोचले. यामुळे कंपनीच्या गुंतवणूकदारांना चांगली कमाई झाली.

SBI ला दुसरा क्रमांक

कमाईच्या बाबतीत दुसरी सर्वात मोठी कंपनी स्टेट बँक ऑफ इंडिया (SBI) होती, ज्याचे मार्केट कॅप रु. 15,305.71 कोटींनी वाढून 5,15,976.44 कोटी रुपये झाले.

अशी इतर कंपन्यांची कामगिरी

ICICI बँकेचे मार्केट कॅप 14,749.52 कोटी रुपयांनी वाढून 6,54,042.46 कोटी रुपये झाले, HDFC बँकेचे बाजार मूल्य 11,657.11 कोटी रुपयांनी वाढून 11,25.8942.46 कोटी रुपये झाले. तर, दूरसंचार क्षेत्रातील दिग्गज भारती एअरटेलचा एमकॅप 9,352.15 कोटी रुपयांनी वाढून 5,23,087.22 कोटी रुपयांवर पोहोचला.

याशिवाय, हिंदुस्तान युनिलिव्हरचे बाजार भांडवल 6,320.4 कोटी रुपयांनी वाढून 5,89,418.46 कोटी रुपये आणि Infosys चे MCap 3,507.08 कोटी रुपयांनी वाढून 5,76,529.86 कोटी रुपये झाले. टाटा समूहाची आयटी कंपनी टीसीएसने 109.77 कोटी रुपयांचा नफा कमावला आणि तिचे मार्केट कॅप 12,26,093.23 कोटी रुपये झाले. नववी कमाई करणारी कंपनी ITC लिमिटेड होती, ज्याचा MCap रु. 62.36 कोटींनी वाढून रु. 5,40,699.70 कोटींवर पोहोचला.

शेअर बाजारात गुंतवणूक करण्यापूर्वी सल्ला घ्या

(शेअर बाजारात गुंतवणूक करण्यापूर्वी मार्केट तज्ज्ञांचा सल्ला घेणे आवश्यक आहे.)

RELATED ARTICLES

Most Popular

Recent Comments

You cannot copy content of this page